am Fensta

Waun de Tog kiaza san wuan
iss da Winta auf grosse Spuan
auf uns zuakumma.
Friacha hom ma no launge Winta ghobt.
Da Schnee iss bahoat gfroan
uebad Nocht
Obends
waun da Ofn augmocht wuan is
hom de Hoezln knackt und krocht.
In da Fruah oba
wauns Liacht wuan is
woan die Fenstascheim uebazogn
mit an gaunzn Sternanhimmi.
Klane Glitzasteandal
de da koide Wind mitn Raureif uebat Nocht
auf de Scheim gmoint hot.
Waun mas aughaucht hot
daun sans zrunna.
Hom aundere Musta gmocht.
Fia uns Kinda woars imma a Spue.
De Mama hot gschimpft
waun ma de Fensta schmierig hom gmocht.
Heits gibtsiss nimma.
De klanan Steandal auf de Fenstascheim.
Heit kummt ka koita Wind meahr eina,
kaun sei Zaubagspue mit uns nimma so treim.
Sche woars trotzdem jeds Moi.
Waun a Liacht drauf kumma iss,
homs goar glitzat wia a Swaroski-Kristoi.
Nua kost hots nix.
Waun de Sun schoaf drauf gscheint hot,
Woarns weg a wieda
gaunz fix.

 

 

gez. J.P.E.