I woa a Rudlmensch.

Imma gean mittn unta de Leit.

Je mea, dass woan,

umso  mea hots mi gfreit.

Wauns vo oim de lustign woan,

wos Lochn ned zkuaz kumma is.

Mei!

Do hob i mi woigfüht rundumadum.

I sogs wias is:

Es wiad imma weniga glocht.

Wos hot de Gsöschoft wiakli

aus unsare Leit nua gmocht?

Jeda hot mea,

ois a eigentlich brauchn kaun.

Kana vo uns muass hungan.

Nua waun ana wü,

zwecks Figua.

Söbst do is des Fitnessstudio daun a

ka Problem fia de meistn

vo wengam Göd.

Hm!

Es Lochn imma mea föht.

Is echt nimma so lustig

auf dera Wöt.

Wos kaun ma dagegn mochn?

I faung glei bei mia söba au,

wieda meah zlochn.

 

Gez. J.P.E.