Schwoaza Vogl fliagst du alla üban Mond?
Ge. Nimm mi mit a Rund.
Des tät ma taugn.
So üba unsa Siedlung zu fliagn.
Vo obn segn
olle Stiang.
Des muass a schens Gfüh sei.
Aus dea Perspektive is sicha ollas übaschauboa.
Sicht ma unsa Wöt daun kloa?
Schwoaza Vogl
Du host dein Aunschluss valuan.
Weit kenans net sei.
Ma heats no gaunz sche laut schrein.
Jedn Tog um de Zeit
schau i eich auf da Loggia zua,
wauns drüba fliagts mit an Geschrei.
Imma dicht hintaanaunda.
Oft hob ich scho vasuacht
eich mit meina Digi eizufaunga.
Es sads ma zu schnö.
Heit hob i di dawischt.
Drin in meina Digi bist.
Jetzt suach oba rosch den Aunschluss, gö.
Loss ma den Mond sche griaßn
und den Rest da Wöt.
gez. J.P.E.