Waun i ane krabbeln siech,

stön si meine Hoar auf.

A Ganslhaut brat si aus üba mi,

dass mi beitelt,

ois tätat i gfrian.

Meist is e nua a Webaknecht,

dea si in de Wohnung hot giat.

Ma sois jo net tötn,

sundan eanas Lem rettn.

Guat gsogt. I bin vazogt.

I kaun mei Wohnzimma net betretn.

Des anzige wos i mochn kau,

is betn. :-)

Liaba Heagott hob Vaständnis fia mi.

De Spinnan, de moch i jetzt hi, ;-)

wauns net glei verschwind aus mein Wohnzimma.

Mei Bluatdruck steigt.

Da Puis rast no schlimma.

Mei Freindin mant,

dass des nützliche Viecha san

und maunche davo san richtig sche.

Des wiad jo a stimma.

I bitt di trotzdem du ungebetene Spinnan:

Bitte geh.

Weg is. I kauns goa net glaum.

Grod is auf de Loggia außi.

Schnö de Tia zua haun. :-)

Mei. De Spinnanfobie.

Waun mi de übafoit.

Da fü i mi hüflos und oid.

Des kauns net sei.

Des muass si ändan.

I lean des a no.

Deswegn hob is in Rust

a fotografiert scho.

Ihhhh! Des woa a Kreizspinnarin.

De Hoa im Gnack hots ma aufgstöt.

Oba topfa hob is jetzt in da Digi drin.:-)

gze. J.P.E.