I bin Fruarentnarin.

Damit i a gwiss ned unzufriedn bin.

I hob Zeit ohne End.

Des kriag i oft zum Hean vahemt.

Leida tuan die Händ

und a die Fiaß ned mea,

so wias i gean hätt.

Stress oder zweng Zeit

hob ich natirlich ned.

Ned mea.

I hob jo a amoi goabat.

Des waunsinnig gean.

Dem Herrgott de Zeit zstöhn

ligt ma fean.

Zeit is Göd.

Fia maunches trotz klana Rentn föds.

Zeit hob i gor zvü.

Mea ois i wü,

weu is jo ned sinnvoi nutzn kaun.

Söbst in Ausübung meina Kreativität

de Händ weh tan

und so maunches no gewiss,

wos mi eischränkt am laungan Tog.

Gor ned zredn vo de laungan Nocht.

Es gibt sovü, wos i gern no mochn mog.

I bin Fruarentnarin.

Glaub ma.

Des i gewiss ned freiwüllig bin.

De vüle Zeit, de i hob,

moch ma bitte net mod.

De Gsundheit is a Geschenk fiawoa.

Mogst imma no tauschn mit mia,

oda is jetzt ollas kloa?

 

 

gez. J.P.E.