Fruah finsta wiads scho

wia in da Nocht.

Mia hom Mitte Oktoba.

Fruah muass ma Sliacht aufdrahn.

De Summazeit hots brocht.

Strom-Euros spoan ma sicha kan.

Wos mi wundat

is de Weihnochtsbeleichtung

de a laung vuaha brennt

vuan Advent.

Vo de Sochn in de Kaufheisa goar net zredn.

Iagendwia get ollas nua mea um Bereicharung.

Olle woins kassian,

so vüs nua get.

Ka Wunda

waun ollas aundere dabei untageht.

De Menschn imma ruahlosa

duach de Gegend rennan.

Eane eigane Unzufriednheit

net woahnehma kennan.

Boid wiads hölla wean.:-)

Waun de Enagiespoalaumpn

vü Göd bringan den großn Herrn.

Mei.

De Wiatschoft muass si imma wos eifoin lossn.

Iss do egal, wos de fruahe Dunklheit erhöt.

Es Göd zöht.

De Natua richt si danoch sicha net.

D´Sun geht auf und unta

wias iahr gfoit.

Nua da Mensch losst si dirigian.

Si fian

vom großn Göd.

 

gez. J.P.E.