Mei Mama mante domois:

Wauns an Esel zguat get,

get a aufs Eis taunzn. Wia weis´.

De Eistänzerin i scho laung nimma bin.

I woa Molarin,

de i a nimma so wirkli mea bin.

I woa a Mensch, dea imma gean

vü Leit um sich ghobt hot.

Maunchmoi oba, hing a Zettl auf da Tia:

"Heite ka Sprechtog." :-)

De san a fuat de Tog.

Sötn vaiat ma si no in mei Wohnung.

Wos i ob und zua scho no gean mog.

So rennan de Joah.

Was si nie vaändat hot?

De innige Beziehung zua mein Maunn

und natürlich zua mein Buam.

Zua mein Lieblingsbruada und seina Famülie

is a nie weniga wuan.

Rundherum is ois aundas heit,

oba de ungebrochene Liebe is gwochsn in da Zeit.

De hot an Intensivität no zuagnumma,

wia i söbst an Gwicht.:-)

Des Wichtigste hot sie net vaändat.

Weu

Liebe und Zuneigung am beständigsten is.

gez. J.P.E.