Mei MS

Si iss schwa zu erklean.

Ma stöt si vua:

Zeast host an Ferrari in dia ghobt,

mit was Gott vü PS.

Daun foahst oba.

Vo Moi zu Moi mea.

De PS schwindn.

Dei innera Ferrari

wiad zum friacharan Mini-Cuppa.

Nix iss mea mit da Kroft,

weu de di von Moi zu Moi 

mea verlossn hot.

Es faungt kla au.

Aufaungs nimmst des goa net glei so woa.

Noch de eastn Doppibüda und Schwindl

mit diveasn Ausfoin,

ohne dassd augsoffn woast,

wiad da da Eanst east kloa.

Daun kummt de Aungst vom nächsten Schub.

Mittlaweu kennst anige vom söm Club.

Du sichst:  A jede MS iss aundas.

De Kraunkheit mit 1000 Gsichta.

Wos dem an hüft, muass dem aundan goa net guat ta

und umkehrt natürlich a.

Drum hob i ka Lust, des no zu erklärn,

warum i heite kaun und morgen iss ma zum rean.

Oba i bin a positiv denkada Mensch und sog ma:

ACHTUNG "Ironie" ;-): Es kaun no schlechta wean.

Glaub oba net, dass i deshoib in Söbstmitleid vasink.

Des sichst an meina Homepage.

Nua erklärn mog iss nimma.

Nimm a du des bitte aun,

dass des mit der MS jeden Tog aunders iss,

wos i ma oba söbst leida net aussuachn kaun.

 

gez. J.P.E.